२२ भदौ, काठमाडौं । नविल बैंकले सेयरधनीलाई ४५ प्रतिशत लाभांस दिने भएको छ । बैंक सञ्चालक समितिको बैठकले ३० प्रतिशत बोनस सेयर र १५ प्रतिशत नगद लाभांस दिने घोषणा गरेको हो ।
गत आर्थिक वर्षमा बैंकले २ अर्ब ८२ करोड रुपैयाँ खुद नाफा कमाएको थियो । त्यही नाफाबाट सेयरधनीलाई लाभांस घोषणा गरेको हो । बैंकले घोषणा गरेको लाभांस नियामक नेपाल राष्ट्र बैंक र बैंककै आगामी साधारणसभाले पारित गरेपछि मात्रै कार्यान्वयन हुन्छ ।
हाल बैंकको चुक्ता पुँजी ४ अर्ब ७५ करोड रुपैयाँ छ । बोनस सेयर वितरण गरेपछि बैंकको चुक्ता पुँजी ६ अर्ब १७ करोड रुपैयाँ पुग्नेछ । राष्ट्र बैंकले ०७४ असार मसान्तसम्ममा वाणिज्य बैंकहरुको न्यूनतम चुक्ता पुँजी ८ अर्ब रुपैयाँ पुर्याउनुपर्ने व्यवस्था गरेको छ । जसअनुसार नविल बैंकलाई अब १ अर्ब ८३ करोड रुपैयाँ आवश्यक देखिन्छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4