२७ चैत काठमाडौं । अस्ट्रेलिया र बंगलादेशबीच आगामी जुनमा तय भएको टेष्ट सिरिज स्थगित भएको छ ।
अहिले विश्वभर महामारीको रुपमा फैलिएको कोरोना भाइरसको कारण विश्व खेलकुद नै प्रभावित बनेको छ । त्यसको असर जुनमा हुने सिरिजमा समेत परेको छ ।
अस्ट्रेलिया र बंगलादेशबीच हुने दुई खेलको उक्त सिरिज स्थगित गर्न सहमत भएको अन्तर्राष्ट्रिय क्रिकेट काउन्सिल आइसीसीले जनाएको छ । ११ जुन देखि बंगलादेशको ढाकामा टेष्ट सुरु हुने तय थियो ।
आइसीसी वर्ल्ड टेष्ट च्याम्पियनसिप अन्तर्गतको उक्त टेष्टको अर्को मिति पछि सार्वजनिक गरिने भएको छ ।
कोरोनाको कारण अहिले विश्व क्रिकेटमा धेरै खेलहरु स्थगित भएका छन् ।