यो बर्षकै सर्वाधिक प्रतिक्षारत चलचित्र ‘धुम ३’को फष्ट प्रोमो सार्वजनिक गरिएको छ । सामाजिक संजाल यूट्यूब मार्फत चलचित्रको निर्माण कम्पनी यशराज ब्यानरले प्रोमो सार्वजनिक गरेको हो । ‘धुम’ र ‘धुम २’ को सिक्वेल यो चलचित्रमा नायक आमिर खान, अभिषेक बच्चन, कलाकार उदय चोपडा र नायिका कट्रिना कैफलाई देख्न सकिन्छ ।
प्रोमोमा आमिर खानले खतरनाक बाइक स्टन्ट गरेको देख्न सकिन्छ । यस्तै नायिका कट्रिना कैफलाई सेक्सी अवतारमा देखाइएको छ । आदित्य चोपडाको निर्माणमा तयार भएको यो चलचित्रलाई विजय कृष्ण आचार्यले लेखन तथा निर्देशन गरेका हुन् । यो चलचित्र डीसेम्बर २० तारिखबाट प्रदर्शनमा आउनेछ । चलचित्रले २ सय करोड क्लबलाई छुने आँकलन गरिएको छ ।
