सांसदको सुविधा बढाइयो, एकजना सांसदलाई साढे ३ करोड बजेट

१५ जेठ, काठमाडौं । सरकारले सांसदहरुले पाउँदै आएको सुविधा बढाएको छ । सांसदहरुले पाउने विकास बजेटमात्रै होइन, व्यक्तिगत सुविधामा समेत बढोत्तरी गरिएको छ ।

सरकारले नयाँ आर्थिक वर्षदेखि निर्वाचित एकजना सांसदलाई साढे ३ करोड रुपैयाँ बराबरको बजेट दिने भएको छ । निर्वाचन क्षेत्र पूर्वाधार विकास कोषमा ३ करोड रुपैयाँ र सांसद विकास कोषलाई ५० लाख रुपैयाँ बजेट विनियोजन गरिएको छ ।

निर्वाचन क्षेत्र पूर्वाधार विकास कार्यक्रममा छुट्याइएको ३ करोड बजेट निर्वाचित सांसदको नेतृत्वमा खर्च गर्नुपर्ने छ भने सांसद विकास कोषमा छुट्याइएको ५० लाख बजेट मनोनित सांसदले व्यक्तिगतरूपमा खर्च गर्न पाउने छन् ।

सांसदहरुले घरभाडा बापत पाउँदै आएको सरकारी रकम बढाएको छ । सांसदहरुको तलब र सुविधा थप गर्दा विरोध हुने देखिएपछि चोरबाटोबाट घरभाडा सुविधा बढाइएको हो ।

सांसदहरुलाई सोझै बजेट दिँदा त्यसको दुरुपयोग भएको भन्दै कतिपयले नै खारेजीको माग गरिरहेका बेला सरकारले बजेट बढाएको हो ।

यो पनि पढ्नुहोस्

निर्वाचन क्षेत्र विकास कोष खारेज होस् गगन थापा

यसअघि सरकारले निर्वाचन क्षेत्र पूर्वाधार विकास कोषका लागि डेढ करोड र संसद विकास कोषमा २० लाख रुपैयाँ बजेट दिँदै आएको थियो ।

त्यसैगरी, सरकारले सांसदलाई दिइने घरभाडाको रकम बढाएको अर्थमन्त्री पौडेलले जानकारी दिए ।

यो पनि पढ्नुस्

सरकारले ल्यायो १० खर्ब ४८ अर्ब ९२ करोड रूपैयाँको बजेट (पूर्णपाठसहित)

पियनको तलव २३ हजार ८ सय ! हाकिमको कति भयो ? (हेर्नुहोस् सूची )

रामेश्वर खनालको टिप्पणीः वित्तीय दुर्घटनाको जोखिम बोकेको महत्वाकांक्षी बजेट

हुलाकी राजमार्गदेखि मध्यपहाडी लोकमार्गसम्म बजेट

बजेटको लक्ष्य: आर्थिक वृद्धि ६.५ प्रतिशत र मुल्यवृद्धि ७.५ प्रतिशत