Comments Add Comment

पहिलोपटक चुनाव लडेजस्तो लाग्योः प्रचण्ड

‘संविधानअनुसार अघि बढ्छौं, अधिनायकवाद आउने कुरा गलत’


२८ मंसिर, चितवन। माओवादी केन्द्रका अध्यक्ष पुष्पकमल दाहाल प्रचण्डले पहिलोपटक निर्वाचन लडेजस्तो अनुभूति भएको बताएका छन् । उनले नयाँ सरकार संविधानको भावना अनुरुप अघि बढ्नेसमेत प्रष्ट पारे ।

कांग्रेससहित केही शक्तिले वामपन्थीले जिते मुलुकमा अधिनायकवाद ल्याउने र निरंकुशता जन्मने बताइरहेका बेला प्रचण्डले सबै मिलेर जारी भएको लोकतान्त्रिक संविधान अनुसार नै नयाँ सरकार अघि बढ्ने बताए ।

पत्रकार महासंघ चितवनले जिल्लाबाट निर्वाचित जनप्रतिनिधिहरुका लागि आयोजना गरेको शुभकामना कार्यक्रममा प्रचण्डले वामपन्थीहरु नै बढी लोकतान्त्रिक भएको पुष्ट्याइ विगतका घटनाक्रमले गरेको प्रष्ट पारे ।

राजनीतिक स्थायित्व र देश विकासका लागि वामपन्थी शक्तिहरुले ल्याएको एजेण्डालाई नेपाली जनताले अनुमोदन गरेको उनको दावी छ । ‘जनताले स्थिरता, सुशासन र भष्टाचारमुक्त शासन व्यवस्थाको अपेक्षा गरेको छन्’ प्रचण्डले भने, ‘हाम्रा यिनै एजेण्डालाई जनताले उत्साहजनक ढंगले रेस्पोन्स गर्नुभएको छ । जनअपेक्षा अनुसार आफूलाई खरो उतार्ने छौं ।’

वाम गठवन्धनको उत्साहजनक जीतलाई विश्व समुदायले ध्यानपूर्वक हेरेको भन्दै अध्यक्ष प्रचण्डले वामपन्थीले जित्दा अधिनायकवाद आउँछ भनेर गरिएको प्रचारलाई अन्र्तराष्ट्रिय समुदायले पनि नपत्याउने बताए ।

माओवादी अध्यक्ष प्रचण्डले जीवनमा पहिलोपटक निर्वाचन लडेजस्तो अनुभूति भएकोसमेत बताए ।

‘पहिलोपटक रोल्पामा चुनाव लड्दा एकपटक मात्रै गएँ, काठमाडौंमा पनि खासै चुनावमा हिँडिनँ । सिरहाको चुनाव प्रचारप्रसारमा पनि खासै जुटिनँ । तर, यसपटक भने चुनावमा हुने सबैखाले तीतामिठा अनुभव गर्न पाएँ, जनतासँग नजिकबाट जनभावना बुझेजस्तो भयो ।’

एमाले स्थायी कमिटी सदस्य एवं चितवन– १ का नवनिर्वाचित सांसद् सुरेन्द्र पाण्डेले देशका विकासका लागि संकल्पसहितको सरकार र परिश्रमी जनता भए एक दशकमा देश बदलिने बताए ।

‘जनताको भावना र इच्छा अनुसार काम गर्न सक्ने डेडिकेडेट सरकार र परिश्रमी जनता भए देशले काँचुली फेर्न बेर लाग्दैन’ नेता पाण्डेले भने, ‘सरकारका लागि सरकार होइन । स्थायित्व र संकल्पसहितको सरकार चाहिन्छ । चुनाव त धेरैले धेरैपटक जितेका छन् तर विकास गर्न भिजन दृष्टिकोण चाहिन्छ ।’

यो खबर पढेर तपाईलाई कस्तो महसुस भयो ?

ट्रेन्डिङ

Advertisment