+
+

युवाका लागि निःशुल्क लोकसेवा तयारी कक्षा

अनलाइनखबर अनलाइनखबर
२०७५ जेठ १८ गते १३:३५

१८ जेठ, डडेल्धुरा । अमरगढी नगरपालिकाले युवाहरुका लागि निःशुल्क लोकसेवा आयोगका तयारी कक्षा सञ्चालन गरेको छ ।

नगरपालिकाले नायव सुव्वा र खरिदार पदको तयारीका लागि निःशुल्क डेढ महिने कक्षा संचालन गरेको हो ।

नायवसुब्वा र खरिदारको निःशुल्क तयारी कक्षाको शुक्रबार अमरगढी नगरपालिकाका नगरप्रमुख विशेश्वरप्रसाद ओझाले उद्घाटन गरेको हुन् ।

युवाहरुमा सकारात्मक भावनाको विकास गराइ कुशल नेतृत्व, सफल, मेहनती, प्रतिस्पर्धी र इमान्दार युवाका रुपमा स्थापित गराउन लोकसेवा तयारी कक्षा संचालन गरिरहेको नगरप्रमुख ओझाले बताएका छन् ।

समाज परिर्वतनका लागि युवाहरुको भूमिका महत्वपूर्ण भएको उल्लेख गर्दै उनले युवाहरुले जिम्मेवार भएर अगाडि बढ्नु पर्ने बताएका छन् । अन्य व्यक्तिहरु आएर हाम्रो समाज परिर्वतन गर्ने नभइ यहाँका युवाहरुले आफ्नो दायित्वबोध गरेर अगाडि बढे मात्रै मुलुक समृद्ध भन्ने उनको भनाइ थियो ।

लोकसेवा आयोगमा यहाँका क्षेत्रका युवाहरुको पहुँच र सहभागिता अझैं पनि उल्लेख्य रुपमा हुन नसकेको भन्दै नगरपालिकाले युवाका लागि नायव सुव्वा र खरिदार पदको लोकसेवा तयारी कक्षा संचालन गरिरहेको नगरपालिकाले जनाएको छ ।

गाउँघरमै लोक सेवा तयारी कक्षा सञ्चालन भएपछि यहाँ युवाहरु खुसी भएको छन् । तयारी कक्षामा पुरुषको भन्दा महिलाको बढी संख्या बढी रहेको छ । २८ जना सहभागिहरुमा २४ जना महिला र ४ जना पुरुष सहभागी छन् ।

नगरपालिकाले युवाहरुका लागि गरेको यो प्रयास सकारात्मक भएको परीक्षार्थी रामचन्द्र जोशीले बताएका छन् । यहाँका युवाहरुले लोक सेवा तयारी कक्षा लिनको लागि काठमाडौँ, धनगढी, नेपालगञ्ज जानु पर्ने बाध्यता अन्त्य भएको उनको भनाइ छ ।

राज्य सञ्चालनमा कर्मचारीहरुको महत्पूर्ण भूमिका हुने उल्लेख गर्दै जोशीले कर्मचारीतन्त्रमा क्षमता भएको मान्छे र युवाहरु आउनु पर्ने बुझाइ भएकाले यो कार्यक्रम उपयोगि भएको बताएका छन् ।

नगरपालिकाले लोक सेवा तयारी कक्षा सञ्चान गर्नु हाम्रो लागि सुनौलो अवसर भएको परिक्षार्थी चित्रा भट्टले प्रतिक्रिया दिइन् । पढेलेखेको भए पनि समय र परिस्थितिले गर्दा टाढा पढ्न जान नपाएका हामी जस्ताका लागि यो कार्यक्रमले आफ्नो सिकाइमा ठूलो टेवा पुग्ने उनको भनाइ छ ।

तयारी कक्षामा जिल्लाका विभन्न नगरपालिका र गाउँपालिकाका युवाहरुको सहभागिता रहेको छ । सहभागी परीक्षार्थीहरुलाई सरेश शाह र प्रान मेहताले प्रशिक्षण दिइरहेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?