१९ भदौ, धनुषा । नापी कार्यालय धनुषामा कार्यरत जंजिरदार जयगोविन्द यादव १५ हजार घुससहित पक्राउ परेका छन् ।
अख्तियार दुरुपयोग अनुसन्धान आयोग बर्दिवासको टोलीले सेवाग्राहीसँग घुस लिएको भन्दै जयगोविन्दलार्इ पक्राउ गरेको हो ।
लक्ष्मिनियाँ गाउँपालिका–३ अगिलेशवाका सेवाग्राहीसँग जग्गा नापी हुँदा सच्याउनका लागि १५ हजार घुस मागेको भन्दै उनलार्इ रङ्गेहात पक्राउ गरेको अख्तियारको बर्दिवास कार्यालयका प्रमुख पुरुषोत्तम ढकालले जानकारी दिए ।