२९ चैत, काठमाडौं । आईससिी यू–१९ विश्वकप क्रिकेटअन्तरगत एसिया क्षेत्र छनोट प्रतियोगितामा नेपालका कप्तान रोहितकुमार पौडेल सतक बनाउन चुकेका छन् । उत्कृष्ट ब्याटिङ गरिरहेका पौडेल ९५ रनको व्यक्तिगत स्कोरमा आउट भए ।
एक सय ५ बलको सामना गरेका उनले सात चौका र एक छक्का प्रहार गरेका थिए । रोहितको कप्तानी पारीसँगै नेपालले सिंगापुरलाई २८३ रनकाे लक्ष्य दिएको छ ।
यो पनि पढ्नुहोस सिंगापुरलाई नेपालले दियो २ सय ८३ रनको विशाल लक्ष्य१८ रनको स्थितिमा दुई विकेट गुमाएको नेपाललाई रोहितले सम्हालेका थिए । उनले ओपनर पवन सर्राफसँग ९० रनको साझेदारी गरे । १०९ रन हुँदा तेस्रो विकेटका रुपमा पवन व्यक्तिगत ४७ रनमा आउट भए ।
त्यसपछि रोहिलते भिम सार्कीसँग ३६ रनको साझेदारी गर्दै नेपालको स्कोर १ सय ४४ रन पुर्याए । त्यसपछि रासिद खान र कमल सिंह ऐरीले आक्रामक ब्याटिङ गरे । रासिदले ४७ बलमा ४८ र कमलले १८ बलमा ३१ रन बनाएर आउट भएका छन् ।