५ वैशाख, बाँके । आठौं राष्ट्रिय खेलकुद प्रतियोगिताअन्तर्गत एथ्लेटिक्सको १०० मिटर पुरुषमा एपीएफका आशिष चौधरी र यही स्पर्धामा महिलातर्फ सरस्वती चौधरीले स्वर्ण पदक जितेका छन् ।
दाङको बेलझुण्डीमा भएको १०० मिटर स्पर्धाको पुरुषतर्फ आशिष चौधरीले यमसाजन सुनारलाई पछि पार्दै पहिलो बनेका हुन् । उनले निर्धारित दूरी ११ः०० सेकेन्डमा पूरा गर्दै स्वर्ण जित्न सफल भए । त्यस्तै, प्रदेश ६ का यमसाजन सुनारले भने ११ः१० सेकेन्डमा पूरा गर्दै दोस्रो बने । त्यस्तै, आर्मीका आनन्ददेव चौधरी तेस्रो भए ।
महिलातर्फको १०० मिटर दौडमा आर्मीकी सरस्वती चौधरीले स्वर्ण पदक जित्न सफल भइन् । उनले निर्धारित दूरी १२ः१९ सेकेन्डमा पूरा गरिन् । त्यस्तै, प्रदेश पाँचकी जयरानी चौधरी दोस्रो बनिन् । त्यस्तै, आर्मीकी कृष्णा चौधरी तेस्रो बनिन् ।
