१७ असार, काठमाडौं । भुटानमा चलिरहेको पाँचौं भारत–भुटान मैत्री लन टेनिस प्रतियोगितामा नेपालका कमल थापाले भुटानका टासी दोर्जेलाई हराएका छन् ।
४५ वर्ष माथिका खेलाडी थापाले दोर्जेलाई ७–५, ७–६ को सेटमा पराजित गरेका हुन् ।
प्रतियोगितामा नेपाल, भारत, बंगलादेश र भुटानका ७२ खेलाडी सहभागी छन् । जसमा पुरुष सिंगल्स, महिला सिंगल्स, ४५ प्लस समूह भेट्रान्स खेलाडी सहभागी छन् ।
नेपालको तर्फबाट पुरुष सिंगल्समा एवन लिसानोविच, भेट्रान्समा कमल थापा र महिला सिंगल्समा अशलेषा लिसानोविचको सहभागिता रहेको छ ।
प्रतियोगितामा मंगलबार नै भएका खेलमा एवनले भुटानका जिग्मे नोर्बुलाई ६–०, ६–२ को सेटमा हराए । यस्तै अशलेषाले भुटानकै चेन्चो डेमलाई ६–०, ६–० ले पराजित गरिन् ।