एएफसी फुटसल च्याम्यिनसिप छनोट, नेपाल समूह ‘ए’ मा

नेपालको पहिलो प्रतिद्धन्दी ताजिकिस्तान

अनलाइनखबर

२०७६ साउन ९ गते १८:०४

९ साउन, काठमाडौं । एएफसी फुटसल च्याम्पियनसिपको छनोटअन्तर्गत सेन्ट्रल एन्ड साउथ जोनमा नेपाल समूह ‘ए’ मा परेको छ ।

एसियन फुटबल महासंघ (एएफसी) ले आज सार्वजनिक गरेको ‘ड्र’ मा नेपाल समूह ‘ए’ मा परेको हो । नेपाल परेको समूहमा चार पटकसम्मको उपविजेता भएको उब्जेकिस्तान, ताजिकिस्तान र अफगानिस्तान रहेका छन् ।

त्यस्तै, एएफसीले आजै खेल तालिका पनि सार्वजनिक गरेको छ । तर छनोट खेलको आयोजना गर्ने देश, र मिति र स्थान भने टुंगो लगाएको छैन । नेपालले आफ्नो पहिलो खेलमा ताजिकिस्तानसँग प्रतिस्पर्धा गर्नेछ । त्यस्तै, दोस्रो खेलमा चार पटकको उपविजेता बनेको उब्जेकिस्तानसँग प्रतिस्पर्धा गर्ने नेपालले आफ्नो अन्तिम खेल भने अफगानिस्तानसँग प्रतिस्पर्धा गर्नेछ ।

अगामी वर्ष तुर्कमिनिस्तानमा एएफसी फुटसल च्याम्पियनसिप हुदैछ ।