नेपाल भ्रमण वर्ष सुरु हुँदैछ । यसको लागि तयारी पनि चलिरहेको छ । भ्रमण वर्ष सम्बन्धी सरकारी लक्ष्य पूरा गर्नको लागि बाहृय सँगै आन्तरिक पर्यटकहरुको समेत उत्तिकै महत्व हुन्छ । हामीहरु छुट्टीपछिको यात्राको योजना बनाउन धेरै समय खर्च गर्छौैं । तर, घर छाड्ने बेलामा हामी हतार गरेर धेरै काम बिगारिरहेका हुन्छौं ।
हामी कतैजानु पूर्व त्यहाँबाट फर्किँदाको अवस्था पनि सोचेर जानु पर्छ । फ्रिजमा भएका कुराहरु गन्हाइरहेको, फोहोरहरु अव्यवस्थित भएको त्यस्ता समस्याहरु भए भने त्यसले सिंगो टोललाई नै समस्या गराउन सक्छ । त्यसको लागि घर छाड्ने बेलामा नै हामीले घरको राम्रोसँग सफाई गर्ने, पि|mजमा खराब हुने सामान छ या छैन हेर्ने, विद्युतीय उपकरणहरु बन्द गर्ने, ओछ्यानहरु मिलाउने जस्ता पूर्व तयारी गर्नुपर्छ । आफ्नो विश्वासिला मित्रलाई आफ्नो बासस्थानको एउटा साँचो दिन पनि सकिन्छ । ताकी कुनै काम गरिहाल्नु पर्यो भने आफू नै फर्किनु नपरोस् ।
यस बाहेक यात्रामा जानु अघि निम्न कुराहरुमा ध्यान दिनुपर्छ :
सफाईमा ध्यान दिनु
रद्दीटोकरी बाहिर निकाल्नुहोस् र विनाशकारी खाद्य पदार्थहरू डिस्पोज गर्नुहोस् र यो निश्चित गर्नुहोस् कि तपाईंको घर सफा र स्वागतयोग्य देखिन्छ कि देखिँदैन ?
तत्काल खानमिल्ने खानाको बन्दोबस्ती
बाहिर जानुपूर्व नै फर्किँदाको लागि भनेर केही अतिरिक्त तत्काल नबिग्रने खानाहरु तयार पारेर जानुहोस् । तपाईंहरु बाहिरबाट फर्किँदा धेरै थाक्नु भएको हुन्छ । त्यस्तो अवस्थामा तपाईंलाई खाना बनाउन मन नलाग्न सक्छ । त्यसैले त्यस्तो बेलामा खाना खानको लागि आवश्यक सामग्री जुटाउनुहोस् ।
घरको सुरक्षा गर्नुहोस्
बाहिर जाने बेलामा राम्रोसँग ढोका लगाउनुका साथै सबै झ्यालहरु बन्द गर्ने, महत्वपूर्ण सामग्रीहरु दुई/तीन तहको सुरक्षा भित्र राख्ने, आफू बाहिर गएको कुरा सामाजिक सञ्जालमा नराख्ने, बाहिर जाँदा आफू लामो यात्रामा गएको जस्तो भान नहुने गरी सामग्रीहरुको व्यवस्थापन गर्ने गर्न सकिन्छ । विश्वासिलो छिमेकी भएमा उनीहरुलाई घरको हेरचाहको बारेमा बताउन पनि सकिन्छ ।
स्विचहरु बन्द गर्नुहोस्
मुख्य पानीको स्विच, बत्तीको स्विच, हिटर जस्ता विद्युतीय सामग्रीहरु सबैलाई विद्युत जडानबाट निकाल्नुहोस् । घरको तापक्रम नियन्त्रण गर्ने एसी पनि बन्द गर्न सकिन्छ ।
एउटा साँचो छोड्नुहोस्
बाहिर जानु अघि साथी वा छिमेकीलाई एउटा अतिरिक्त साँचो दिनुहोस् । यदि तपाईं कतै जाँदा बाटोमा केही थाहा पाउनुभयो वा यदि तपाईंले केही बन्द गर्न बिर्सनुभयो वा केही जाँच गर्नु आवश्यक छ भने यसले आफैं फर्किनु पर्दैन । साथमा बाहिरबाट आउँदा आफ्नो साँचो हरायो भने पनि झण्झट ब्यहोर्नु पर्दैन ।
सामग्री यकीन गर्नुहोस्
यात्रामा निस्कनु अघि आफूसँग सबै सामग्रीहरु भए नभएको यकीन गर्नुपर्छ । हवाई यात्रामा जाँदा पासपोर्ट र टिकेट, अन्यत्र जाँदा पनि कार्ड, अन्य आवश्यक सामग्रीहरु भए नभएको यकीन गर्नुपर्छ ।
यसका बाहेक यदि तपाईंका बच्चाहरू वा आफैंमा पनि स्वास्थ्य समस्याको साथ कसैसँग बारम्बार यात्रा गर्नुपर्ने छ भने पूरक यात्रा बीमा राम्रो हुनसक्छ । आफू जाने स्थान अनुसार त्यहाँ खानपानको व्यवस्था भए/नभएको, अरु सुविधाहरु भए नभएको पनि यकीन गरेर जानु राम्रो हुन्छ ।
