टिकटकमा चर्चामा रहेकी सुन्दरी हुन् उषा उप्रेती । टिकटकमा करिब ४ लाख फलोअर्सकी धनी उषाले प्रेमी सागर थापासँग गरेको रोमान्सका दृश्यहरुले अहिले चर्चा पाइरहेको छ । प्रसंग हो अष्ट्रेलियामा रहेका गायक सन्जिब खरेल र निकिता थापाको स्वरमा तयार भएको गीत प्रेम कहानीको म्यूजिक भिडियोको ।
उषा र सागरको अभिनय रहेको गीत प्रेम कहानी सार्वजनिक भएको छ । यो भिडियोलाई प्रबिन भट्टले सम्पादन तथा निर्देशन गरेका हुन् । अनिल के मानन्धर र करन चैसरको छायांकन रहेको भिडियोमा कोरियोग्राफी प्रमोद भण्डारीको छ । गायक स्वयमको शब्द रहेको गीतको संगीत संयोजन उदयराज पौडेलले गरेका हुन् ।
