२८ साउन, पोखरा । गण्डकी प्रदेश सभाको सत्तारुढ दल नेपाली कांग्रेसले प्रमुख सचेतक र सचेतक फेरेको छ । यसअघि सचेतक रहेकी नवलपुरकी ओमकला गौतम प्रमुख सचेतकमा चयन भएकी छन् भने सचेतक स्याङ्जाका भागवतप्रकाश मल्ल बनेका छन् ।
मुख्यमन्त्रीसमेत रहेका कांग्रेस संसदीय दलका नेता कृष्णचन्द्र नेपालीले प्रमुख सचेतक मणिभद्र शर्मा पर्यटन मन्त्री भएपछि उनको ठाउँमा गौतमलाई जिम्मेवारी तोकेका हुन् । गौतम सचेतक बनेपछि उनको ठाउँमा मल्ललाई ल्याएका छन् ।
नेपाली कांग्रेस संसदीय दलका नेता पोखरेलको नेतृत्वमा गण्डकीमा सरकार बनेपछि दलभित्रका पदाधिकारी हेरफेर भएका हुन् । यी दुबै जना मन्त्रीका आकांक्षी थिए ।