Expand
+
+

विश्व महिला बक्सिङ च्याम्पियनसिपः प्रतिस्पर्धात्मक खेलमा चुकिन् सुष्मा

अनलाइनखबर अनलाइनखबर
२०७९ वैशाख २८ गते १६:५१

२८ वैशाख, काठमाडौं । नेपाली बक्सर सुष्मा तामाङ टर्कीको इस्तानबुलमा जारी आईबा महिला विश्व बक्सिङ च्याम्पियनसिपको पहिलो चरणमै पराजित भएकी छन् ।

मिनिममवेटअन्तर्गत ४६ देखि ४८ केजी मुनी तौलसमूहमा सुष्माले मंगोलियाकी जान्चिन न्याम्सुरेनसँग स्प्लिट डिसिजन (पाँचजना निर्णायकबीचको मत)का आधारमा ३–२ ले पराजित भइन् ।

पहिलो राउण्डमा कमजोर देखिएकी सुष्मा दोस्रो र तेस्रो राउण्डमा मंगोलियाली खेलाडीमाथि हावी थिइन् । तर, बराबर प्रतिस्पर्धा भएपछि निर्णायकहरुले समग्रताका आधारमा निर्णय सुनाउँदा मंगोलियाली खेलाडीको पक्ष लिए ।

विश्व च्याम्पियनसिपमा नेपालबाट चार खेलाडी सहभागी छन् । फ्लाइवेट ५० देखि ५२ केजी मुनी तौलसमूहमा नेपालकी मिनु गुरुङले बुधबार नै जापानी खेलाडी रिंका किनोशितासँग खेल्दैछिन् ।

सकुन्तला थापा र पुनम रावलले पनि पहिलो चरणमा वाई पाएका छन् । उनीहरु प्रिक्वाटरफाइनल चरणदेखि प्रतिस्पर्धा गर्नेछन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

महानगरपालिका मत परिणाम

छुटाउनुभयो कि ?