+

के हुन्छ, जब लामो समय शौचालय बस्छौं

२०७९ चैत  १४ गते ८:५० २०७९ चैत १४ गते ८:५०
के हुन्छ, जब लामो समय शौचालय बस्छौं

अहिले हामी शौचालय जानुअघि खल्तीमा मोबाइल छ वा छैन भनेर छामछुम गर्छौं । यस्तो लाग्छ कि शौचालय जाँदा मोबाइल अनिवार्य बोक्नुपर्छ । मोबाइल बोकेर शौचालय पसेका हामी लामो समय त्यही बिताइदिन्छौं ।

यसरी शौचालयमा लामो समय बस्दा मलद्वारमा चाप अर्थात् दबाब परेर रगतको नसा र ‘कनेक्टिभ टिस्यु प्रोल्याप्स’ हुन्छ । यसैको कारण पायल्स हुने सम्भावना हुन्छ । पायल्स भएको व्यक्ति शौचालयमा धेरै समय बस्यो भने रगत आउने र समस्या झन् बढ्ने हुन सक्छ ।

खासमा शौचालयमा कति समय बस्ने 

शौचालयमा यति नै समय बस्ने भनेर तोक्न त मिल्दैन । किनकि कब्जियत हुने वा दिसा राम्ररी नहुनेहरूलाई धेरै समय शौचालयमा बस्नुपर्ने हुन्छ । यस्ता समस्या नभएको व्यक्तिलाई कम समय लाग्न सक्छ । त्यसैले दिसा भइसकेपछि पनि लामो समय शौचालयमा बस्नु भने हुँदैन । दिसा भइसकेपछि शौचालयबाट निस्कनुपर्छ ।

कसैको शौचालयमा लामो समय बिताउने बानी हुन्छ भने कसैलाई बाध्यता पनि हुन्छ । कब्जियत र दिसा राम्रो नहुनेहरूले शौचालयमा लामो समय बिताउँछन् । तर शौच हतारमा गर्ने बानी भने खासै धेरै व्यक्तिको हुँदैन । किनकि दिसा लागेपछि नै शौचालय जाने हो र पेट सफा नभएसम्म उठिंदैन ।

शौच कुन समयमा गर्नु राम्रो ?

शौचको लागि उपयुक्त समय भनेको बिहान हो । बिहान ५ देखि ७ बजेसम्मको समय शौचको लागि उपयुक्त हुन्छ । एउटै समयमा शौचको बानी बसाउनुपर्छ । शौचको समय पछि सार्ने बानी गर्नु हुँदैन । शौचको समय पछि सार्ने बानीले कब्जियतको समस्या ल्याउन सक्छ ।

दैनिक एकदेखि दुईपटक शौच हुनु सामान्य हो । तीनपटकभन्दा बढी भएको अवस्थामा झाडापखाला, आउँ जस्ता समस्या भएको हुन सक्छ ।

शौच गर्दा गर्न नहुने गल्ती

-लामो समय शौचालयमा बस्दा मलद्वारमा चाप परेर पायल्सको समस्या हुन सक्छ । त्यसैले लामो समय शौचालयमा नबस्ने ।

-शौच रोक्नु हुँदैन । शौच रोक्दा कब्जियतको समस्या हुन सक्छ ।

-शौचालयमा मोबाइल बोकेर जानु हुँदैन । मोबाइल बोकेर जाँदा मोबाइल चलाएर लामो समय शौचालयमा बिताइन्छ ।

-शौच कहिले कुन समयमा कहिले कुन समयमा गर्ने बानी बनाउनु हुँदैन । सकेसम्म दैनिक एउटै समयमा दिसा गर्ने बानी बसाल्नु उपयुक्त हुन्छ ।

शौचालयमा लामो समय बस्नबाट बच्ने उपाय

-फाइबरयुक्त खानेकुरा, हरियो सागपात र फलफूल प्रशस्त मात्रामा खाने गर्नुपर्छ । जसले गर्दा कब्जियतको समस्या हुँदैन र शैचालयमा धेरै समय बस्नु पर्दैन ।

-दिनमा दुईदेखि तीन लिटर पानी पिउने

-नियमित व्यायाम गर्ने

-प्यानवाला शौचालयमा भन्दा कोमोडवाला शौचालयमा लामो समय बसेको पाइन्छ । प्यान सिटमा बस्दा हाम्रो शरीरमा कोलोनबाट मल पूर्ण रूपमा हटाउन मद्दत गर्छ । तर कोमोडमा दिसा निस्कन अलि गाह्रो हुन्छ, त्यसैले कोमोडमा बस्दा खुट्टामा टुल राखेर बस्नुपर्छ जसले गर्दा शरीर सिधा हुन्छ र दिसा अलि छिटो र पूर्ण रुपमा निस्कन्छ ।

(ग्यास्ट्रोइनटेस्टिनल एण्ड ल्याप्रोस्कोपिक सर्जन डा. शाह पाटन र वयोधा अस्पतालमा कार्यरत छन् । उनले बीपी कोइराला स्वास्थ्य विज्ञान प्रतिष्ठान, धरानबाट जेनेरल सर्जरीमा एमएस र चिकित्साशास्त्र अध्ययन संस्थान महाराजगञ्जबाट ग्यास्ट्रोइनटेस्टिनल तथा एचपीबीमा  एमसीएच गरेका छन् । साथै टाटामेमोरियल अस्पताल, मुम्बईबाट ग्यास्ट्रोइनटेस्टिनल र एचबीपी क्यान्सर सर्जरीमा तालिम समेत लिएका छन् । डा. शाहसँग सुमित्रा लुइटेलले गरेको कुराकानीमा आधारित)

डा. सुरेन्द्र शाह शौचालय
डा. सुरेन्द्र शाह
लेखक
डा. सुरेन्द्र शाह
ग्यास्ट्रोइन्टेस्टिनल लेजर एण्ड ल्याप्रोस्कोपिक सर्जन

नेपाल मेडिकल काउन्सिल दर्ता नम्बर : ४८९३ अध्ययन : एमबीबीएस, जनरल सर्जरीमा एमएस, ग्यास्ट्रोइन्टेस्टेनियल, हेपाटोबिलोरी र प्यानक्रिएटिक सर्जरी ल्याप्रोस्कोपिक सर्जरी, लेजर थेरापीमा तालिम हाल ललितपुरस्थित पाटन स्वास्थ्य विज्ञान प्रतिष्ठान र काठमाडौं बल्खुस्थित बयोधा अस्पतालमा कार्यरत

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय

फिचर

शरीरको तौल १२० केजीबाट ६९ मा झार्न सबानाले अपनाएको दैनिकी

शरीरको तौल १२० केजीबाट ६९ मा झार्न सबानाले अपनाएको दैनिकी

छाती दुख्यो : मुटुको समस्या हो कि ग्यास्ट्राइटिस ?

छाती दुख्यो : मुटुको समस्या हो कि ग्यास्ट्राइटिस ?

योगबाट कसरी पूर्ण लाभ लिन सकिन्छ ? (भिडियोसहित)

योगबाट कसरी पूर्ण लाभ लिन सकिन्छ ? (भिडियोसहित)

एकै महिनामा दुईपटक महिनावारी, कुनै रोगको संकेत हो ?

एकै महिनामा दुईपटक महिनावारी, कुनै रोगको संकेत हो ?

किन हुन्छ बारम्बार गर्भपतन ?

किन हुन्छ बारम्बार गर्भपतन ?

‘जन्डिस भयो, के गरौं ?’

‘जन्डिस भयो, के गरौं ?’