निर्वाचन समीक्षा प्रतिवेदन तयार पार्न खोटाङ कांग्रेसले बनायो समिति

News Summary

Generated by OK AI. Editorially reviewed.

नेपाली कांग्रेस खोटाङले फागुन २१ गते सम्पन्न निर्वाचनको समीक्षा प्रतिवेदन तयार गर्न उपसभापति तीर्थराज भट्टराईको संयोजकत्वमा तीन सदस्यीय समिति गठन गरेको छ।
समितिमा जिल्ला सदस्य श्यामकुमार राई र तरुण दलका जिल्ला अध्यक्ष काजीमान राईलाई चयन गरिएको छ र समितिलाई २० दिनभित्र प्रतिवेदन पेस गर्ने समय दिइएको छ।
निर्वाचनमा कांग्रेस उम्मेदवार वीरकाजी राई पराजित भएपछि पार्टीले घात-अन्तर्घात पहिचानमा विशेष जोड दिँदै क्षेत्रीय, नगर र गाउँ पालिका समितिलाई १५ दिनभित्र समीक्षा गर्न निर्देशन दिएको छ।

४ चैत, खोटाङ । नेपाली कांग्रेस खोटाङले निर्वाचन समीक्षा प्रतिवेदन तयार गर्न समिति गठन गरेको छ । फागुन २१ गते सम्पन्न निर्वाचनको सन्दर्भमा उपसभापति तीर्थराज भट्टराईको संयोजकत्वमा चैत ३ गते तीन सदस्यीय समिति गठन गरिएको हो ।

प्रतिबेदन समितिको सदस्यमा जिल्ला सदस्य श्यामकुमार राई र तरुण दलका जिल्ला अध्यक्ष काजीमान राईलाई चयन गरिएको कांग्रेस खोटाङका सभापति विष्णुकुमार राईले बताए ।

चैत ३ गते बसेको कांग्रेस जिल्ला कार्यसमितिको बैठकले निर्वाचन समीक्षा प्रतिवेदन तयार गर्न समिति गठन गर्ने निर्णय गरेको हो । समितिलाई २० दिनभित्र समीक्षा प्रतिवेदन पेस गर्ने समय दिइएको छ ।

खोटाङमा कांग्रेस उम्मेदवार वीरकाजी राई पराजित भएपछि समीक्षा प्रतिवेदन तयार पार्ने प्रस्ताव अघि सारिएको हो ।

यस्तै, निर्वाचनको समयमा पार्टीका नेता तथा कार्यकर्ताको भूमिका, योगदान र गतिविधिहरुको सुक्ष्म समिक्षा गरी १५ दिनभित्र प्रतिवेदन पेस गर्न क्षेत्रीय, नगर र गाउँ पालिका समितिलाई निर्देशन दिइएको सभापति राईले बताए ।

प्रतिवेदनमा निर्वाचनका समयमा भएको घात-अन्तर्घातलाई पहिचानका लागि विशेष जोड दिइने कांग्रेसले जनाएको छ ।