पेट सफा गर्न बिहान पानीमा मिसाएर पिउनुहोस् यी ५ चिज

खानपानसँग सम्बन्धित खराब बानीहरूले पाचन प्रणालीमा नराम्रो असर पार्न सक्छ । यस्तो अवस्थामा पाचन प्रक्रिया सुस्त हुनसक्छ र पाचन प्रणालीलाई हानि पुग्न सक्छ । यसले गर्दा कब्जियत, एसिडिटी, पेट फुल्ने र अपच जस्ता समस्याहरू हुन सक्छन् । गर्मीको मौसममा यी समस्याहरू झनै बढ्छन् । किनभने, उच्च तापक्रमले पाचन प्रक्रिया सुस्त बनाउँछ ।

यस्तोमा कब्जियत र पेट फुल्ने जस्ता समस्याहरू बढी हुन्छन् । केही व्यक्तिहरूलाई गर्मीमा पेट राम्रोसँग सफा नहुने समस्या हुन्छ । यसले गर्दा उनीहरूलाई दिनभर असहजता महसुस हुन्छ ।

१.तातोपानीमा घ्यू

तातो पानीमा घ्यू हालेर पिउनाले स्वास्थ्यलाई धेरै फाइदा हुन्छ । घ्यूले कब्जियतलाई पगाल्न मद्दत गर्छ । यसले आन्द्राको स्वास्थ्य सुधार गर्छ र दिसा गर्ने प्रक्रियालाई पनि सुधार्छ । घ्यूमा ब्युटिरिक एसिड हुन्छ । यसले दिसालाई नरम बनाउँछ र पाचन प्रक्रियामा सुधार ल्याउँछ । साथै घ्यूले शरीरलाई शक्ति र ऊर्जा प्रदान गर्छ । यसले शरीरलाई लामो समयसम्म ऊर्जा दिन्छ । अपचको समस्या भएकाहरूले भने बिहान तातोपानीमा घ्यू हालेर पिउनु हुँदैन ।

२.तातोपानीमा सौंफ

सौंफ चिसो हुन्छ, त्यसैले गर्मीमा नियमित यसको सेवन गर्दा कुनै हानि हुँदैन । आयुर्वेद अनुसार, सौंफ वातनाशक हुन्छ र यसको प्रकृति चिसो हुन्छ । जसलाई अम्लपित्त, पेट फुल्ने, कब्जियत वा अपचको समस्या छ, उनीहरूले यसको सेवन गर्दा राम्रो फाइदा हुन्छ । यदि कब्जियतको समस्या छ भने, हरेक बिहान तातोपानीमा सौंफ हालेर पिउनुपर्छ ।यसले पाचन प्रणालीलाई पनि स्वस्थ राख्छ ।

३.तातोपानीमा जिरा

तातो पानीमा जिरा हालेर पिउनाले पेट राम्रोसँग सफा हुन्छ । यदि पेट फुल्ने, अम्लपित्त वा कब्जियतको समस्या छ भने, हरेक बिहान यसको सेवन गर्न सकिन्छ । जिराको सेवनले खाना रुचाउन र पचाउन पनि सहयोग गर्छ । तर, जिराको प्रकृति तातो हुन्छ र यसले शरीरमा पित्त बढाउन सक्छ । त्यसैले पित्त प्रकृतिका व्यक्तिहरूले यसको सेवन कम मात्रामा गर्नुपर्छ ।

४.तातोपानीमा मेथीको दाना

मेथीको दाना फाइबर र एन्टिअक्सिडेन्टले भरपूर हुन्छ । जसले पाचन प्रणाली सुधार गर्न र शरीरबाट विषाक्त पदार्थहरू बाहिर निकाल्न मद्दत गर्छ । राति एक चम्चा मेथीको दानालाई पानीमा भिजाउने र बिहान मनतातो पानीसँग पिउने । यो उपाय ग्यास, अम्लता र कब्जियतको समस्यालाई हटाउनमा निकै प्रभावकारी हुन्छ ।

५.तातोपानीमा चिया सिड्स

तातोपानीमा चिया सिड्स हालेर पिउनाले पाचनसम्बन्धी समस्याहरू कम हुन्छन् । यसमा फाइबरको मात्रा धेरै हुन्छ । त्यसैले यसको सेवनले आन्द्राको स्वास्थ्य सुधार हुन्छ । यसमा पाइने फाइबरले पाचन प्रणालीलाई सुधार गर्छ, रगतमा चिनी नियन्त्रण गर्छ र कोलेस्ट्रोल कम गर्न मद्दत गर्छ । यसबाहेक, यसले पेटलाई लामो समयसम्म ढम्म भरिएको जस्तो अनुभूति दिन्छ र तौल घटाउन पनि मद्दत गर्छ ।