गगन-विश्वलाई शेखरले भने : केके कुरा हो लिखित आओस्, अनि मात्रै आउँछु

News Summary

Generated by OK AI. Editorially reviewed.

नेता डा. शेकर कोइरालाले भृकुटीमण्डप नजाने आफ्नो निर्णय आफूनिकट नेताहरूसँगको छलफलमा बताएका छन्।
उनले नेतृत्व चयन लगायतका विषय लिखित रुपमा पाउनुपर्ने र त्यसपछि मात्र भृकुटीमण्डप जाने बताए।
कोइरालाले पार्टी कार्यवाहक सभापति पूर्णबहादुर खड्कालाई पनि लैजानुपर्ने र सभापति देउवाले भृकुटीमण्डप नजाने राय राखेको बताए।

२८ पुस, काठमाडौं । नेपाली कांग्रेसका नेता डा. शेकर कोइरालाले अहिलेकै अवस्थामा आफू भृकुटीमण्डप नजाने बताएका छन् । आफूनिकट नेताहरूसँगको छलफलमा उनले केही नेताहरूले भृकुटीमण्डप जान सुझाव दिए पनि आफू अहिलेकै अवस्थामा नजाने बताएका हुन् ।

‘तपाईं कतिजनाले भृकुटीमण्डपमा जानुपर्छ भन्नुभयो । म जानेवाला छैन । यसरी जानुहुँदैन । मैले यो कुरा सभापतिलाई भनेको छु, कार्यवाहक सभापतिलाई पनि भनेको छु,। गगन-विश्वलाई पनि भनेको छु र गुरु घिमिरेलाई भनेको छु,’ उनले भने, ‘नेतृत्वचयनदेखि केके कुरा हो लिखित रुपमा मैले पाउनुपर्‍यो । बल्लमात्रै म आउँछु ।’

उनले आफूमात्रै गएर पनि केही नहुने भन्दै पार्टी कार्यवाहक सभापति पूर्णबहादुर खड्कालाई पनि लैजाने वातावरण गगन-विश्वले बनाउनुपर्ने बताए ।

त्यस्तै उनले सभापति शेरबहादुर देउवा भने भृकुटीमण्डप जान नहुने आफ्नो राय रहेको बताए ।

‘सभापतिजी त्यहाँ जानुहुँदैन भन्ने मेरो रिडिङ हो । पूर्णजीलाई लिएर जानुपर्छ,’ उनले भने, ‘म एग्रेसिभ लागिरहेको छु । तपाईंहरूलाई सुतिरहेको छ भन्ने लागेको होला म लागिरहेको छु । सबैसँग समन्वय गरिरहेको छु ।’