सिड्नीमा प्रदीपकाे ‘मन पर्छ’

प्रबासमा रहेर पनि नेपाली गीत संगीतमा लागि पर्ने सर्जकहरूको जमात यतिबेला बढ्दो छ । त्यसमा पनि अष्ट्रेलियाको सिड्नी अलि अगाडि नै देखापरेको छ ।

आफ्ना गीत संगीतहरूको भिडियो रमणीय मूलुक अष्ट्रेलियामा छायांकन गरेर दर्शकहरूको ध्यान आकर्षित गर्ने मामिलामा सिड्नीबासी नेपालीहरू प्रयासको तारिफ गर्नै पर्छ ।

यसैबिच सिड्नीवासी युवा गायक तथा गीतकार प्रदिप चापागाईँले आफ्नो नयाँ गीतको म्युजिक भिडियो बजारमा ल्याएका छन्। चापागाईँकै शब्द तथा स्वर सजिएको गीतमा सञ्जीव सिंहको संगीत र महाराज थापाको संगीत संयोजन रहेको छ।

सिड्नी तथा आसपासका क्षेत्रमा खिचिएको म्युजिक भिडियोमा योगी पुडासैनी र पुनम थपलियाको अभिनय छ। लामो समयदेखी अष्टेलियामा रहेका योगीले यस अघि पनि नबिन के भट्टराई लगायतका गायकको भिडियोमा अभिनय गरिसकेका छन ।

भिडियोको छायांकन,सम्पादन तथा निर्देशन अल्टर्नेटिभ आर्ट्सका आशिक रेग्मीले गरेका हुन्।यसअघी दुई वर्ष अगाडी नेपालका चर्चित गायक गायिकाको आवाजमा आफ्नो पहिलो एकल गजल एल्बम ‘गुमनाम’बजारमा ल्याएका प्रदिपको गायकको रुपमा भने यो पहिलो कोसेली हो ।

गायक चापागाईँका अनुसार यो नयाँ गीत ‘मन पर्छ ‘उनको नयाँ एल्बम ‘क्वाटर टोन’बाट सार्वजनिक गरिएको पहिलो गीत हो।