काठमाडौं । लोक गायक बद्री पंगेनीले नेपालीहरुको विवाह परम्परालाई ध्यानमा राख्दै ‘च्यानाकुटी च्यानाकुटी झै…भिडियो बजारमा ल्याएका छन् ।
बद्री पंगेनी र सकुन्तला थापाको स्वर रहेको उक्त भिडियोमा एकनारायण भण्डारीको शब्द संगीत रहेको छ । पञ्चे बाजाको धुन समेटिएको उक्त भिडियोले थोरै समयमै दर्शकको ध्यान खिचेको बद्रीको भनाई छ ।
गाउँदेखि शहरसम्मै विवाहमा बाजा बजाउने परम्परा भएपनि पञ्चे बाजा बजाउनेहरु बिस्थापित हुने क्रममा रहेकाले यसको संरक्षणका लागि भिडियो बनाएको बद्रीको भनाई छ । यस भिडियोमा शंकर बिसी, बद्री, अञ्जलि अधिकारीलगायतले अभिनय गरेका छन् । भिडियोको निर्देशन शंकर बिसीले गरेका छन् ।