२ असार, जनकपुरधाम । प्रदेश २ सरकारले प्रदेशभित्र काम गर्ने कर्मचारीहरुलाई थप एक महिना बराबरको तलब दिने भएको छ ।
आर्थिक मामिला तथा योजना मन्त्री विजय यादवले आइतबार संसदमा प्रस्तुत बजेटमा एक महिना बराबरको शुरु तलब स्केलको रकम थप सुविधाको रुपमा दिने व्यवस्था गरिएको हो ।
राष्ट्रसेवक कर्मचारीहरुको मनोवल उच्च राखि कार्य उत्प्रेरणा बढाउन तथा आन्तरिक पर्यटनलाई प्रवद्र्वन गर्न कर्मचारीको तलब वृद्धि गरिएको प्रदेश सरकारले जनाएको छ । यसबाट सार्वजनिक सेवा प्रवाह थप प्रभावकारी हुने अपेक्षा प्रदेश सरकारले लिएको छ ।
प्रदेश सरकारको विनियोजनबाट पारिश्रमिक प्राप्त गर्ने सवै राष्ट्रसेवक कर्मचारीको शुरु तलबमानमा संघीय सरकारले साउन १ देखि लागू हुने गरी वृद्धि गरेको तलब भत्ता लगायतका सुविधालाई प्रदेशमा समेत लागू गर्दै थप एक महिनाको तलव दिइने बजेटमा उल्लेख गरिएको छ ।
