२ चैत, काठमाडौं । कोरोना संक्रमणको पूर्व तयारीमा सघाउन नेपाल उद्योग परिसघंले सरकारलाई २० हजार थान मास्क प्रदान गर्ने भएको छ ।
यसै साताभित्र मास्क, कोरोना परीक्षण कीट र पर्सनल प्रोटेक्सन इक्वीप्मेन्ट (पीपीपी) हस्तान्तरणको तयारी भएको परिसंघका अध्यक्ष सतिशकुमार मोरले जानकारी दिए ।
परिसंघले चीनबाट मगाएको कोरोना परीक्षण कीट तीन सय थान, पर्सनल प्रोटेक्सन इक्वीप्मेन्ट तीन सय थान र २० हजार थान मास्क सरकारलाई हस्तान्तरण गर्ने अध्यक्ष मोरले बताए ।
‘मन्त्री अथवा सचिवको रोहवरमा आवश्यक स्थानमा पु¥याउने गरी उक्त सामाग्री हस्तान्तरण गर्दै छौं’ अध्यक्ष मोरले भने ।
राष्ट्रिय संकटको बेला राज्यलाई सघाउनु परिसंघको दायित्व भएको र यसलाई अझै विस्तार गर्दै लगिने उनले बताए ।
