कोरोना संक्रमणका कारण उपचार गराइरहेकी गायिका कनिका कपुरले आफनो रिपोर्टमा गडबडी भएको आशंका गरेकी छिन । उनको रिपोर्टमा उनको उमेर अर्कै उल्लेख छ । यसैले पनि उनले रिपोर्टमा गडबडी भएको आंशका गरेकी हुन ।
कनिकाले यस्तो आशंका गर्दा डाक्टरले भने उपचारमा सहयोग नगरेको आरोप लगाएका छन । डाक्टरले उनले अस्पतालमा हरेक सुविधा खोजेको आरोप पनि लगाएका छन ।
उनले उपचारका क्रममा स्टारडम देखाउन खोजेको आरोप डाक्टरको छ । उनको मागका कारण अस्पतालका कर्मचारी नै दिकदार भएको समेत भारतीय मिडियामा खबर छ ।
तर, कनिकाले एक भारतीय अनलाइनसँग कुरा गर्दै डाक्टरले आफुलाई धम्की दिएको आरोप लगाएकी छिन । उनले, निकै नै खराब अस्पतालमा आफुलाई राखिएको पनि आरोप लगाएकी छिन ।
