नायिका नम्रता श्रेष्ठले आफु विगत ५ दिनदेखि घरमै बसिरहेको बताएकी छिन । सामाजिक संजालमा शुभचिन्तकहरुले कुरा गर्दै उनले कोरोना भाइरससँग जुध्नका लागि घरमै बस्नुको विकल्प नभएको बताएकी हुन ।
नम्रताले सामाजिक संजालमा भनेकी छिन–‘कोरोना भाइरसँग जुध्नका लागि घरमै बस्नुको विकल्प नै छैन । म पनि विगत ५ दिनदेखि घरमै छु । मलाई आशा छ तपाइहरु पनि घरमै हुनुहुन्छ । यो भाइरस हामी जो कोहीमा पनि हुन सक्छ । हामी बाहिर निस्कियौ भने यो भाइरस अरुमा पनि सर्न सक्छ । यसैले घरमै बसौ र यो विरुद्धमा लडौ ।’
नायिका श्रेष्ठले शुभचिन्तकहरुलाई घरबाट बाहिर ननिस्कन अपिल गरेकी हुन । नायिका श्रेष्ठसँगै नेपाली चलचित्रका धेरै कलाकारले शुभचिन्तकहरुलाई घरमै बस्न अपिल गर्न थालेका छन । सुरुवातमा उनीहरुले मास्क लगाउन, भीडमा नजान अपिल गरेका थिए ।
