एकीकृत समाजवादीमा जान चाहेका सांसदको रिटमा सुनुवाइ भएन

२४ भदौ, काठमाडौं । नेकपा एकीकृत समाजवादीमा कायम गरिदिन माग गरेका सांसद सोमप्रसाद पाण्डे र शारदा भट्टको रिटमा सर्वोच्च अदालतमा बिहीबार सुनुवाइ भएन ।

न्यायाधीश अनिलकुमार सिन्हाको एकल इजलासमा राखिएको उक्त मुद्दा हेर्न नभ्याइएको सर्वोच्च अदालतका एक अधिकारीले जानकारी दिए ।

प्रतिनिधिसभा सदस्य पाण्डे र राष्ट्रिय सभा सदस्य भट्टले आफूहरु नेकपा एकीकृत समाजवादीमा जान चाहे पनि निर्वाचन आयोगले सनाखत गर्न नमानेको भन्दै बुधबार रिट दिएका थिए ।

उनीहरुले नेकपा एकीकृत समाजवादीमा जान पाउने गरी आदेश माग गरेका छन् ।