केन्यासँगको खेल जित्न नेपाललाई १३१ रनको लक्ष्य

९ भदौ, काठमाडौं । पाँच टी-२० शृंखलाको पहिलो खेलमा केन्याले नेपाललाई १३१ रनको लक्ष्य दिएको छ ।

नैरोवीस्थित जिमखान क्रिकेट ग्राउण्डमा टस हारेर पहिले ब्याटिङ गरेको घरेलु टोली केन्याले ७ विकेट गुमाएर १३० रन बनाएको हो । केन्याका लागि इरफान करिमले सर्वाधिक ३४ रन बनाए । लुकास नान्डासन ३० रनमा अविजित रहे ।

बलिङमा नेपालका लागि सोमपाल कामीले ३ तथा कप्तान सन्दीप लामिछानेले २ विकेट लिए । आदिल आलम र दीपेन्द्र सिंह ऐरीले समान १ विकेट लिए ।