‘सैयारा’ स्टार अनित पड्डा काठमाडौंको घुमफिरमा (तस्वीर)

News Summary

Generated by OK AI. Editorially reviewed.

बलिउड फिल्म 'सैयारा'ले नेपाली बक्सअफिसमा यसवर्ष सर्वाधिक कमाउने विदेशी फिल्मको रेकर्ड राखेको छ।
अमेजन प्राइम भिडियोको सिरिज 'बिग गल्र्स डन्ट क्राइ'की को-स्टार अनित पड्डा अहिले काठमाडौंमा घुमघाममा व्यस्त छिन्।
अनित पड्डाको ओटीटी सिरिज 'न्याय' आउने तयारीमा छ र मनीष शर्माको रोमान्टिक फिल्ममा पनि उनको अभिनय हुने चर्चा छ।

काठमाडौं । बलिउडको ब्लकबस्टर फिल्म ‘सैयारा’ले विश्वभर उछाल कमाइ गर्‍यो । यो फिल्मले नेपाली बक्सअफिसमा समेत यसवर्ष सर्वाधिक कमाउने विदेशी फिल्मको रेकर्ड राख्यो ।

यतिबेला सोही फिल्मकी डेब्यू अभिनेत्री अनित पड्डा घुमघामको लागि काठमाडौंमा छिन् । अमेजन प्राइम भिडियोको सिरिज ‘बिग गल्र्स डन्ट क्राइ’ को-स्टार ल्हाकिलासँगै अनित अहिले नेपाली राजधानीको घुमघाममा ब्यस्त छिन् ।

नेपाली अभिनेत्री तथा सोसल मिडिया इन्फ्लुएन्सर ल्हाकिाले घुमघामका आकर्षक र रमाइला फोटो तथा भिडियो सेयर गरेकी छन् । यी दुईले उक्त सिरिजमा सहकार्य गरेका थिए ।

यी दुई बेस्टीले बौद्ध स्तुपादेखि कराओकेमा रमाइलो गरेको, सडकमा हिँडिरहेको देख्न सकिन्छ । ल्हाकिला लेख्छिन्, ‘विशेष अनित पड्डा । शब्द छैन, यो स्टारको लागि केवल माया । साथै, मैले उनको यात्रा १००% सार्थक बनाएँ, म वाचा गर्छु ।’

‘सैयारा’को सफलतापछि अभिनेत्री पड्डा अहिले घुमघाममा ब्यस्त छिन् । कामको कुरा गर्दा, पड्डाको ओटीटी सिरिज ‘न्याय’ आउने तयारीमा छ । यसबाहेक, मनीष शर्माको एक रोमान्टिक फिल्ममा पनि उनले खेल्ने चर्चा छ ।