म सिनियर हुँ, संसदीय दलको नेतामा स्वाभाविक दाबी रहन्छ : अर्जुननरसिंह केसी

News Summary

Generated by OK AI. Editorially reviewed.

नेपाली कांग्रेसका नेता अर्जुननरसिंह केसीले संसदीय दलको नेतामा स्वभाविक रुपमा आफ्नो दाबेदारी रहने बताएका छन्।
केसीले २०४७ देखिको संसदमा कांग्रेसको ठूलो योगदान आफूले दिएको उल्लेख गरेका छन्।
उनले संसदीय दलको नेताको रुपमा सहमतिपूर्ण निष्कर्ष निस्कियोस् भन्ने चाहना व्यक्त गरेका छन्।

६ चैत, काठमाडौं । नेपाली कांग्रेसका नेता एवं नवनिर्वाचित समानुपातिक सांसद अर्जुननरसिंह केसीले संसदीय दलको नेतामा आफ्नो दाबेदारी रहने बताएका छन् ।

शुक्रबार केन्द्रीय कार्यसमिति बैठकका लागि पार्टी कार्यालय सानेपा पुगेका केसीले सञ्चारकर्मीसँग कुराकानी गर्दै दलकाे नेतामा स्वाभाविक रुपमा आफ्नो दाबेदारी रहने बताएका हुन् ।

‘संसदीय दलको नेतामा स्वत: दाबी हुन्छ । म सबैभन्दा त्यहाँको सिनियर नेता हुँ,’ केसीले सञ्चारकर्मीसँग भने, ‘संसदीय अभ्यास र यात्रामा मैले धेरै ठूलो योगदान गरेको छु । अझ तपाईंहरूमध्ये कोही इतिहासलाई हेर्नुहुन्छ भने २०४७ देखिको संसद् कांग्रेसको सिंगै धानिदिने मध्ये म पनि हुँ ।’

तर, संसदीय दलको नेताको रुपमा सहमतिपूर्ण ढंगबाटै निष्कर्ष निस्कियोस् भन्ने आफ्नो चाहना रहेको जिकिर गरे ।

‘सहमतिपूर्ण ढंगले नै निष्कर्ष निस्कियोस् भन्ने छ,’ उनले भने ।