स्थानीय र वैदेशिक रोजगारीमा रहेकालाई स्नो रिभर्सको आईपीओ खुल्यो

News Summary

Generated by OK AI. Editorially reviewed.

स्नो रिभर्स कम्पनीले ९३ करोड ७५ लाख रुपैयाँको आईपीओ निष्कासन गर्दै १८ लाख ७५ हजार कित्ता सेयर सर्वसाधारण समूहमा बिक्री गर्न लागेको छ।
आयोजना प्रभावित स्थानीयले न्यूनतम १० र अधिकतम १० हजार कित्तासम्म आवेदन दिन सक्नेछन्, आवेदन चैत २३ देखि वैशाख ८ सम्म खुला रहनेछ।
वैदेशिक रोजगारीमा रहेका लागि ९३ हजार ७५० कित्ता सेयरमा आवेदन खुला गरिएको छ र आवेदन चैत १२ सम्म दिन सकिनेछ।

९ चैत, काठमाडौं । स्नो रिभर्स कम्पनीले आयोजना प्रभावित स्थानीय र वैदेशिक रोजगारीमा रहेकालाई आजदेखि आईपीओ निष्कासन गरेको छ । बिक्री प्रबन्धकमा सानिमा क्यापिटल रहेको छ ।

जारी पूँजी ९३ करोड ७५ लाख रुपैयाँको २० प्रतिशत अर्थात् १८ लाख ७५ हजार कित्ता सेयर सर्वसाधारण समूहमा निष्कासन गर्न लागेको हो । जसमध्ये ९ लाख ३७ हजार ५०० कित्ता आयोजना प्रभावित स्थानीयबासीका लागि छुट्याइएको छ ।

प्रभावित क्षेत्रका रुपमा ताप्लेजुङ जिल्लाको सिरिजङ्गा गाउँपालिका १ देखि ८ वडासम्म र सिदिङ्वा गाउँपालिका ५, ६ तथा पाथिभरा याङवारक गाउँपालिका ५,६ र पाँचथर जिल्लाको हिलिहाङ गाउँपालिका १ पर्दछन् । प्रभावितले न्यूनतम १० तथा अधिकतम १० हजार कित्तासम्म आवेदन दिन सक्नेछन् । प्रभावितले छिटोमा चैत २३ तथा ढिलोमा वैशाख ८ गतेसम्म आवेदन दिन सक्नेछन् ।

त्यस्तै वैदेशिक रोजगारीमा रहेकालाई कम्पनीले ९३ हजार ७५० कित्ता सेयरमा आवेदन खुलाएको छ । वैदेशिक रोजगारमा रहेकाले अधिकतम १ हजार कित्तासम्म आवेदन दिन सक्नेछन् । उनीहरुले छिटोमा चैत १२ सम्म आवेदन दिन सक्नेछन् ।

इक्रा नेपालले कम्पनीलाई बी प्लस रेटिङ दिएको छ । कम्पनीले १३.५ मेगावाटको सुपर काबेली खोला ए जलविद्युत आयोजना सञ्चालन गर्नेछ । जसको प्रतिमेगावाट लागत २० करोड १४ लाख १४ हजार रुपैयाँ रहेको छ।