१३ भदौ, काठमाडौं । नेपाल स्टक एक्सचेञ्जको कारोबार सूचक नेप्से परिसूचकमा आज ०.९४ अंकले गिरावट आई ५५१.२३ अंक कायम भएको छ । वाणिज्य बैंक समूहको सूचक २.९५ अंक घटेर ५३४.१३ अंक कायम भएको छ ।
आज १०८ कम्पनीको २ हजार पटक कारोबार भएको थियो । ६ लाख १६ हजार कित्ताको कारोबारबाट २२ करोड ६२ लाख रुपैयाँ कारोबार भएको छ ।
युनिलिभर कम्पनीको सेयर मूल्य आज १५४ रुपैयाँले बढेर १०२०० रुपैयाँ कायम भएको छ । तर यो कम्पनीको सेयर १० कित्ता मात्र कारोबार भएको छ । चिलिमे हाइड्रो पावर कम्पनीको सेयर मूल्य ८७ रुपैयाँ बढेर १५३४ रुपैयाँ, हिमालयन जनरल इन्स्योरेन्सको २५ रुपैयाँ बढेर ३०३ र एलायन्स इन्स्योरेन्सको २३ बढेर २५८ रुपैयाँमा कारोबार बन्द भएको छ । हिमालयन इन्स्योरेन्सको पनि ५० कित्ता मात्र कारोबार भएको छ ।
