२९ कात्तिक, काठमाडौं । प्रधानमन्त्री केपी शर्मा ओलीले त्रिवि शिक्षण अस्पतालमा सुरु भएको कलेजो प्रत्यारोपणमा सहयोग गर्ने वचन दिएका छन् ।
शिक्षण अस्पतालमा कलेजो प्रत्यारोपणको नेतृत्व गरिरहेका डा. रमेशसिंह भण्डारीले शुक्रबार प्रधानन्त्री ओलीलाई भेटेका थिए ।
त्यसक्रममा उनले कलेजो प्रत्यारोपण सुरु गर्दाको अनुभव सुनाउँदै आगामी दिनमा अहिलेका भौतिक संरचना पर्याप्त नहुनेतर्फ ध्यानाकर्षण गराएका छन् । साथै मिर्गौलालगायतका रोगका विरामीहरुले जस्तै कलोजो प्रत्यारोपण गर्ने विरामीहरुलाई पनि आर्थिक सहयोग दिनुपर्नेमा जोड दिएको डा. भण्डारीले बताए ।
उनले भने, ‘प्रधानमन्त्रीले पनि आवश्यक सहयोग गर्छु भन्नुभएको छ ।’
शिक्षण अस्पतालमा १८ जेठमा पहिलो कलेजो प्रत्यारोपण भएको थियो । अहिलेसम्म तीन सफल प्रत्यारोपण भइसकेको छ ।
