+
+

प्रधानमन्त्रीलाई महान्यायाधिवक्ताको आग्रह : न्यायालयको समस्याको निकास खोज्नुस्

अनलाइनखबर अनलाइनखबर
२०७८ पुष ८ गते १६:५०

८ पुस, काठमाडौं । महान्यायाधिवक्ता खम्मबहादुर खातीले न्यायपालिकाको समस्यामा चाँडै निकास दिन प्रधानमन्त्री शेरबहादुर देउवालाई आग्रह गरेका छन् ।

बिहीबार महान्यायाधिवक्ता कार्यालयको ७१ औं स्थापना दिवसको कार्यक्रममा महान्यायाधिवक्ता खातीले न्यायालयमा देखिएको अन्योलमा चाँडो भन्दा चाँडो निकास दिन आग्रह गरेका हुन् ।

प्रधानन्यायाधीश चोलेन्द्रशम्शेर जबराको राजीनामा माग गर्दैै नेपाल बार एशोसिएसनले दुई महिना भन्दा अघिदेखि आन्दोलन गरिरहेको छ । सर्वोच्च अदालतका न्यायाधीशहरुले प्रधानन्यायाधीशले तोकेको पेशी बहिस्कार गर्दै आएका थिए र मंसिर १५ देखि गोलाप्रथाबाट पेशी तोक्न थालिएको छ । न्याय क्षेत्रका विभिन्न संस्था र व्यक्तिहरुले प्रधानन्यायाधीशलाई निकास दिन आग्रह गरेका छन् ।

प्रधानमन्त्री देउवा उपस्थित कार्यक्रममा महान्यायाधिवक्ता खातीले स्वतन्त्र र सक्षम न्यायपालिका, न्यायाधीशको कामकारबाही र अदालतको विकृति विसंगतिबारे कुरा उठिरहेको भन्दै विपक्षी दल र सर्वदलीय छलफलबाट यो विषय टुंगो लगाउन आग्रह गरेका हुन् ।

उनले भने, ‘यस विषयमा सम्माननीयज्यूलाई मेरो सादर अनुरोध छ, यो सन्दर्भमा अपोजिसन पार्टीसँग बसेर कुरा गरेर सबैसँग सर्वदलीय मिटिङ गरेर भए पनि एउटा निकास दिनुपर्छ ।’

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?