१० माघ, काठमाडौं । चोरीको मोटरसाइकल र लागूऔषधसहित दुई जना पक्राउ परेका छन् । पक्राउ पर्नेमा काभ्रे घर भइ महाराजगञ्ज बस्दै आएका २२ वर्षीय डेण्डुप लामा र सोलुखुम्बु घर भइ सोही ठाउँ बस्दै आएका २६ वर्षीय सविन श्रेष्ठ छन् ।
उनीहरुले माघ ८ गते शिक्षण अस्पतालबाट जितबहादुर वाइवाको बा ६० प ४०३० नम्बरको युनिकन मोटरसाइकल चोरी गरेका थिए ।
उनीहरुलाई प्रहरीले शिक्षण अस्पताल महाराजगञ्ज अगाडी रहेको सुनाखरी होटलबाट चोरीको मोटरसाइकल र लागूऔषध डाइजोल्याव, नुर्फिन र फेनेरागन ५/५ एम्पुलसहित पक्राउ गरेको हो ।
उनीहरुमाथि थप अनुसन्धान भइरहेको प्रहरीले जनाएको छ ।
