जग्गा खरीद गरिदिन्छु भन्‍दै ठगी गरेको आरोपमा एकजना पक्राउ

६ पुस, काठमाडौं। महानगरीय प्रहरी परिसर काठमाडौंले जग्गा खरीद गरिदिन्छु भन्‍दै ठगी गरेको आरोपमा एकजनालाई पक्राउ गरेको छ ।

पक्राउ पर्नेमा धर्मदेवी नगरपालिका २ घर भइ हाल काठमाडौं बौद्ध बस्‍दै आएका ५३ वर्षीय दुर्गाबहादुरी भण्डारी रहेका छन् ।

जिल्ला कागेश्वरी मनहरा नगरपालिका वडा नं.६ थलीमा लुकिछिपी हिडी रहेको अवस्थामा उनलाई प्रहरी वृत बौद्धले पक्राउ गरेको हो ।

उनले ८ जनाबाट १ करोड ६६ लाख ५० हजार ठगी गरेको अनुसन्धानबाट खुल्‍न आएको प्रहरीले जनाएको छ ।

पक्राउ परेका उनीमाथि थप अनुसन्धान भइरहहेको महानगरीय प्रहरी परिसर काठमाडौंले जनाएको छ ।