डा. जीवन प्रसाईं

डा. प्रसाईं हाल संयुक्त राज्य अमेरिकाको बर्मिङ्घमस्थित युनिभर्सिटी अफ अलाबामामा कार्यरत छन् ।  उनले मेडिकल एण्ड फर्मास्युटिकल युनिभर्सिटीबाट औषधि विज्ञानमा पीएचडी गरेका छन् । दुई दशकभन्दा बढी समयदेखि जडिबुटी र खाद्यपदार्थको क्षेत्रमा काम गरेका प्रसाईं पोलिफेनोलको क्यान्सरलगायत जीर्ण रोगहरुको नियन्त्रण तथा उपचारमा हुने असरका क्षेत्रमा अनुसन्धान गरिरहेका छन् । उनी वैज्ञानिक अनुसन्धान केन्द्र नेसनल इन्स्टिच्युट अफ हेल्थमा पनि आवद्ध छन् । खोज अनुसन्धानमा आधारित उनका आलेख ‘साइन्स’ लगायत जर्नलहरुमा प्रकाशित छन् । उनले जीवनशैलीसम्बन्धी पुस्तकसमेत लेखेका छन् ।