Comments Add Comment

१३औं सागको दोस्रो दिन नेपालले जित्यो १५ स्वर्ण

तेक्वान्दोको पुन्से एकल र टिममा स्वर्ण जितेकी आयशा शाक्य ।

१६ मंसिर, काठमाडौं । १३ औं दक्षिण एसियाली खेलकुद (साग)को दोस्रो दिन २४ स्वर्णको छिनोफानो हुँदा नेपालले १५ वटा जितेको छ । नेपालले कराँते र तेक्वान्दोमा ७–७ र ट्रायथोलनमा एक गरी १५ स्वर्ण जितेको हो ।

त्यस्तै कराँतेमा २ र तेक्वान्दोमा १ रजत जितेको नेपालले तेक्वान्दोमा ३ र ट्रायथलनमा १ कास्य पदक पनि जितेको छ ।

मन्डेकाजी र आयशाको दिन

घरेलु मैदानमा भएको सागमा नेपाललाई पहिलो स्वर्ण करातेका मण्डेकाजी श्रेष्ठले दिलाए ।

पुरुष एकल कातामा २० वर्षपछि नेपाललाई स्वर्ण दिलाएका उनले टिम कातामा पनि प्रवीण मानन्धर र महसुस तामाङसँग मिलेर स्वर्ण जिते । यससँगै उनले १३ औं सागमा दुई स्वर्ण जित्ने पहिलो खेलाडी समेत बन्न सफल भए ।

तेक्वान्दोकी आयशाले पनि सोमबार नै दुई स्वर्ण जितिन् । ११ औं सागमा स्वर्ण जितेकी उनले पहिलो पटक सागमा समावेश भएको पुम्सेको एकलटिममा प्रतिस्पर्धा गरेकी थिइन् । र, दुबैतर्फ स्वर्ण पदक जित्न सफल भएकी छन् ।

दुई सन्तानकी आमा आयशा भन्छिन्, ‘दुई बच्चाका लागि मेडल जितेको जस्तो भयो ।’

करातेको गर्विलो प्रदर्शन

नेपालले सोमबार जितेको १५ मध्ये ७ स्वर्ण कराँतेबाट रह्यो । मण्डेकाजीले एकल र प्रविण मानन्धर र महसुस तामाङसँग मिलेर टिम कातामा स्वर्ण जितेका छन् ।

यस्तै महिला टिम कातामा निर्मला तामाङ, संगिता मगर र सरु कार्कीको टिमले स्वर्ण जित्यो । महिला एकल कातातर्फ चञ्चला दनुवारले रजत जितेकी छन् ।

कुमुतेतर्फ पनि नेपालले चार स्वर्ण जित्यो । पुरुषतर्फ ५५ केजीमुनी लक्ष्मण तामाङ र ८४ केजीभन्दामाथि विप्लव मान श्रेष्ठले स्वर्ण जिते । महिलातर्फ ४५ केजीमुनी कुशुम खड्का र ५० केजीमुनी अनु अधिकारीले स्वर्ण जितेकी छिन् ।

८४ केजीमुनी प्रतिस्पर्धा गरेका दिवस श्रेष्ठ भने फाइनलमा पराजित हुन पुगे । उनले रजतमा चित्त बुझाए ।

पुम्सेमा पदकै पदक

सागमा पहिलो पटक पुम्से समावेश गरिएको थियो । र, यसमा नेपालको प्रभावशाली प्रदर्शन रह्यो । कुल १३ स्वर्णको छिनोफानो हुँदा नेपालले ७ वटा जित्यो ।

आयशा शाक्य एकल र टिमतर्फ जितिन् । यस्तै १७ देखि २३ वर्षको समूहमा सीना मादेन, २३ देखि २९ वर्ष समूहमा पार्वती गुरुङले स्वर्ण जितेकी छन् । पुरुषतर्फ २३ देखि २९ वर्ष समूहका कमल श्रेष्ठले पनि स्वर्ण पदक जितेका छन् ।

यसैगरी पुम्सेको कटिमतर्फ १७ देखि २३ वर्ष उमेर समूहमा निशा दर्नाल, स्वस्तिमा तामाङ र रञ्जिला तिमल्सिना तथा २३ देखि २९ वर्ष उमेर समूहमा नीता गुरुङ, प्रशंसा क्षेत्री र सुशीला राईको टिमले नेपाललाई स्वर्ण पदक दिलाएको छ ।

कराँतेमा ७ स्वर्ण

एकल काता – मण्डेकाजी श्रेष्ठ

टिम काता, महिला – मण्डेकाजी श्रेष्ठ, महसुस तामाङ, प्रविण मानन्धर

टिम काता ,पुरुष– निर्मला तामाङ, संगिता मगर, सरु कार्की

फाइट

५५ केजी– लक्ष्मण तामाङ

८४ केजीमाथि-विप्लवलाल श्रेष्ठ

४५ केजी मुनी- कुसुम खड्का

५० केजी मूनि- अनु अधिकारी

तेक्वान्दोमा ७ स्वर्ण

पुम्से पुरुष (२३–२९ वर्ष) – कमल श्रेष्ठ

पुम्से महिला (१७ –२३ वर्ष) – सिना मादेन लिम्बु

पुम्से महिला (२३ –२९ वर्ष) – पार्वती गुरुङ

पुम्से महिला (२९ वर्ष माथि) – आयशा शाक्य

पुम्से पियर(२९ वर्ष माथि) – आयशा शाक्य र सञ्जिकुमार ओझा

पुम्से महिला टिम (१७–२३ वर्ष) – निशा दर्नाल, स्वस्तिका तामाङ र सन्जिला तिमल्सिना

पुम्से महिला टिम (२३–२९ वर्ष) – निता गुरुङ, प्रशंसा क्षेत्री र शुसिला राई

 

ट्रायथलन : सोनी गुरुङ

 

रजत पदक

 

कराते (एकल काता)महिला : चन्चला दनुवार

कराते पुरुष(८४ केजी मूनि): दिवस श्रेष्ठ

तेक्वान्दो पुम्से पुरुष(१७–२३ वर्ष)– कृष्णबहादुर तामाङ

 

कास्य पदक

तेक्वान्दो पुम्से पियर(१७–२३ वर्ष): अस्मिन राउत र सिना मादेन लिम्बु

तेक्वान्दो पुम्से पियर(२३–२९ वर्ष) : जितबहादुर बोट र पार्वती गुरुङ

तेक्वान्दो पुम्से पुरुष (२९ वर्षमाथी) : रेजिन रिमाल

तेक्वान्दो पुम्से पियर(१७–२३ वर्ष): शिशिर श्रेष्ठ,अस्मिन राउत र दिपेन्द्र गुरुङ

तेक्वान्दो पुम्से पुरुष टिम (२३ वर्षमाथी) :कमल श्रेष्ठ जित बहादुर बोट प्रेम बहादुर लिम्बु

 

ट्रायथलन : बसन्त थारु

यो खबर पढेर तपाईलाई कस्तो महसुस भयो ?

ट्रेन्डिङ

Advertisment