दुई विदेशी खेलाडी खेलाएको पुलिसको पहिलो जित

२७ चैत, काठमाडौं । विभागीय टोली नेपाल पुलिस क्लबले पहिलो पटक विदेशी खेलाडी टिममा राख्दै शहीद स्मारक ए डिभिजन लिगमा पहिलो जित हात पारेको छ ।

छैटौं चरणसम्म जित बिहीन हुँदै जम्मा १ अंक जोडेको पुलिसले सातौं चरणमा सोमबार फ्रेण्ड्स क्लब विरुद्ध घानाका दुई खेलाडी मैदान उतारेको थियो ।

विदेशी खेलाडी मवसेसे ग्याबाह टीवुनले पुलिसबाट डेब्यु गर्दै गोल पनि गरे ।

बुद्धबल तामाङको दुई गोल गरे र मोसेसको गोलमा पुलिसले एन्फा कम्प्लेक्समा फ्रेण्ड्सलाई हराएर यस सिजन पहिलो जित निकालेको हो ।

जितपछि पुलिसले ७ खेलबाट ४ अंक जोडेको छ । पहिलो जितले राहत मिलेपनि पुलिस अझै रेलिगेसन जोनमै छ ।

फ्रेण्ड्सको पनि ७ खेलबाट ४ अंक नै छ । पुलिसले र प्रेण्ड्सले समान १ खेल जित्दा १ खेल बराबरी खेलेका छन् भने ५ खेलमा पराजित भएका थिए ।