कन्काई नगरप्रमुखमा एमालेका पोखरेल र उपप्रमुखमा कांग्रेसकी सिवाकोटी विजयी

४ जेठ, झापा । झापाको कन्काई नगरपालिकाको मेयरमा नेकपा एमालेका राजेन्द्र कुमार पोखरेल विजयी भएका छन् । उनले निकटतम प्रतिस्पर्धी नेपाली कांग्रेसका रुद्रप्रसाद चिमरियालाई २ हजार १२ मत अन्तरले हराए ।

पोखरेलले ८ हजार ६७३ मत पाउँदा चिमरियाको पक्षमा ६ हजार ६६१ मत पर्यो ।

नगर प्रमुख पदका अर्का प्रत्यासी स्वतन्त्र उम्मेदवार शेरबहादुर थापाले ५ हजार ६९१ र राप्रपाका श्याम सुन्दर ओलीले २ हजार २०५ मत पाएका छन् ।

यसैगरी उपप्रमुखमा नेपाली कांग्रेसकी आशा सिवाकोटी विजयी भइन् । उनले १० हजार ७१३ मत पाइन् । उनको निकटतम प्रतिस्पर्धी नेकपा एमालेकी मञ्जु प्रसाईले ८ हजार ८४५ मत पाएकी छन् । राप्रपाकी साचित्रा खनालले १ हजार ६९५ मत पाइन् ।